Du fragsch di wär da e Blog schribt?

Mir sis wo de Blog schribe, d’Steffi u dr Phippu! Ja däich. Mir schribe über üsi Wäutreis und mängisch machemer o Föteli - die chasch hie o aaluege. Kommentär schribe chame nid, das chasch üs de persönlech säge, mir chöme scho gli wider hei.

Drwile schnöigg doch e chli uf dere Site ume u gibnis es paar Reisetipps. Das cha es guets Kafi in Moskau, e schöne Wasserfau uf Indonesie, es empfählenswerts Tattoostudio z’Oustralie, es tolls Hostel uf de Philippine, e fäzegi Töffstrecki in Vietnam, e abwechsligsriichi Vulkanwanderig uf Hawaii oder e abglägnegi heissi Quelle uf Island si. Was ou immer du scho erläbt oder gseh hesch uf dere Wäut und gern möchtsch mit üs teile. Mir fröie üs uf dini Tipps!