Stolby

Eis müesse mir gloub vor wäg nä, Bäre hei mir leider kener gseh. We dir aber per Zuefau uf de Biuder witer unge eine söttet entdecke, bitte sägets üs nid! Mir würde nachträglech vor Angst id Hose mache. Tatsächlech git eim z’Wandere e ganz angere Kick, weme nie richtig weiss ob du ufe knackend Ast bisch gstange oder dr Bär hinger dir.

Uf au Fäu hei mir wöue zu de berüehmte Feuse vom Stolby Nationalpark wandere. Da mir natürlech ohni Charte oder GPS si ungerwägs gsi, hei mir nur die hie illustrierte weniger berüehmte Feuse gfunge. Die si ou ganz ok gsi.

Abgseh vo Bäre hets no es paar zuetroulecheri Tier i dem Park, di meischte si jahrelang mit Nüss u Chärne so positiv konditioniert worde, dassi stundelang für Föteli härehei. Weder Streifehörndli no Auerhüenner lösech vo zückte Kameras und ufgregte Parkbsuecher us der Rueh bringe.